raat andar utar ke dekha hai
raat andar utar ke dekhā hai
kitnā hairān-kun tamāshā hai
ek lamhe ko sochne vaalā
ek arse ke baad bolā hai
mere baare meñ jo sunā tū ne
merī bātoñ kā ek hissa hai
shahr vāloñ ko kyā ḳhabar ki koī
kaun se mausamoñ meñ zinda hai
jā basī duur bhaa.ī kī aulād
ab vahī dūsrā qabīla hai
baañT leñge na.e gharoñ vaale
is havelī kā jo asāsa hai
kyuuñ na duniyā meñ apnī ho vo magan
us ne kab āsmān dekhā hai
āḳhirī tajziya yahī hai 'malāl'
aadmī dā.eroñ meñ rahtā hai
raat andar utar ke dekha hai
kitna hairan-kun tamasha hai
ek lamhe ko sochne wala
ek arse ke baad bola hai
mere bare mein jo suna tu ne
meri baaton ka ek hissa hai
shahr walon ko kya KHabar ki koi
kaun se mausamon mein zinda hai
ja basi dur bhai ki aulad
ab wahi dusra qabila hai
banT lenge nae gharon wale
is haweli ka jo asasa hai
kyun na duniya mein apni ho wo magan
us ne kab aasman dekha hai
aaKHiri tajziya yahi hai 'malal'
aadmi daeron mein rahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
