raat be-parda si lagti hai mujhe
raat be-parda sī lagtī hai mujhe
ḳhauf ne aisī nazar dī hai mujhe
aah is ma.asūm ko kaise batā.ūñ
kyuuñ use khone kī jaldī hai mujhe
josh meñ haiñ is qadar tīmārdār
Thiik hote sharm aatī hai mujhe
ik latīfa jo samajh meñ bhī na aa.e
us pe hañsnā kyuuñ zarūrī hai mujhe
muntashir hone lage saare ḳhayāl
niiñd bas aane hī vaalī hai mujhe
ab junūñ kam hone vaalā hai mirā
ḳhair itnī to tasallī hai mujhe
laakh maddham ho tirī chāhat kī lau
raushnī utnī hī kaafī hai mujhe
gard hai bārūd kī sar meñ to kyā
maut ik afvāh lagtī hai mujhe
raat be-parda si lagti hai mujhe
KHauf ne aisi nazar di hai mujhe
aah is masum ko kaise bataun
kyun use khone ki jaldi hai mujhe
josh mein hain is qadar timardar
Thik hote sharm aati hai mujhe
ek latifa jo samajh mein bhi na aae
us pe hansna kyun zaruri hai mujhe
muntashir hone lage sare KHayal
nind bas aane hi wali hai mujhe
ab junun kam hone wala hai mera
KHair itni to tasalli hai mujhe
lakh maddham ho teri chahat ki lau
raushni utni hi kafi hai mujhe
gard hai barud ki sar mein to kya
maut ek afwah lagti hai mujhe
- Book : Khidki To Main Ne Khol Hi Li (Pg. 57)
- Author :Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
