raat bhar KHwab ke dariya mein sawera dekha
raat bhar ḳhvāb ke dariyā meñ saverā dekhā
din ke sāhil pe jo utre to añdherā dekhā
ḳhud ko likkhā bhī hai maiñ ne hī miTāyā bhī hai ḳhud
qalam-e-ġhair ne saaya bhī na merā dekhā
jin ke chehroñ pe chamak nuur kā haalā atrāf
un ke zehnoñ ko jo kholā to añdherā dekhā
jin ke teshoñ ko rahā koh-kanī kā daavā
unheñ mahloñ kā bhī karte hue pherā dekhā
jo mujhe dene ko aate the ġham apne aksar
un kī ḳhushiyoñ ne kabhī ghar bhī na merā dekhā
umr kul guzrī thī paḌhte hue chehra terā
aaj DhūñDā to kahīñ aks na terā dekhā
jo mujhe barg-e-ḳhizāñ samjhī thiiñ un āñkhoñ ne
naam aurāq-e-bahārāñ pe bhī merā dekhā
raat bhar KHwab ke dariya mein sawera dekha
din ke sahil pe jo utre to andhera dekha
KHud ko likkha bhi hai main ne hi miTaya bhi hai KHud
qalam-e-ghair ne saya bhi na mera dekha
jin ke chehron pe chamak nur ka haala atraf
un ke zehnon ko jo khola to andhera dekha
jin ke teshon ko raha koh-kani ka dawa
unhen mahlon ka bhi karte hue phera dekha
jo mujhe dene ko aate the gham apne aksar
un ki KHushiyon ne kabhi ghar bhi na mera dekha
umr kul guzri thi paDhte hue chehra tera
aaj DhunDa to kahin aks na tera dekha
jo mujhe barg-e-KHizan samjhi thin un aankhon ne
nam auraq-e-bahaaran pe bhi mera dekha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
