raat-din is ke siwa kya kaam hai
rāt-din is ke sivā kyā kaam hai
mere hoñToñ par kisī kā naam hai
mil gayā mujh ko vafāoñ kā sila
aap ke hoñToñ pa merā naam hai
jism miTTī kā thā miTTī meñ milā
zindagī kā bas yahī anjām hai
ham se pūchho us kī yādoñ kā asar
saikḌoñ ġham haiñ magar ārām hai
kyoñ zabāñ kholī thī sab ke sāmne
un kā mujh par bas yahī ilzām hai
mar ke momin ko milā 'manzar' sukūñ
qabr meñ ārām hī ārām hai
raat-din is ke siwa kya kaam hai
mere honTon par kisi ka nam hai
mil gaya mujh ko wafaon ka sila
aap ke honTon pa mera nam hai
jism miTTi ka tha miTTi mein mila
zindagi ka bas yahi anjam hai
hum se puchho us ki yaadon ka asar
saikDon gham hain magar aaram hai
kyon zaban kholi thi sab ke samne
un ka mujh par bas yahi ilzam hai
mar ke momin ko mila 'manzar' sukun
qabr mein aaram hi aaram hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
