raat-din pur-shor sahil jaisa manzar mujh mein tha
rāt-din pur-shor sāhil jaisā manzar mujh meñ thā
tum se pahle maujzan koī samundar mujh meñ thā
aaj terī yaad se Takrā ke TukḌe ho gayā
vo jo sadiyoñ se luḌhaktā ek patthar mujh meñ thā
jīte-jī sahn-e-mazār-e-dost thā merā vajūd
ik shikasta sā piyāla aur kabūtar mujh meñ thā
maiñ kahāñ jaatā dikhāne apne andar kā kamāl
jo kabhī mujh par na khul paayā vo jauhar mujh meñ thā
DhūñDhtā phirtā huuñ us ko raat din ḳhud meñ 'hasan'
vo jo kal tak mujh se bhī ik shaḳhs behtar mujh meñ thā
raat-din pur-shor sahil jaisa manzar mujh mein tha
tum se pahle maujzan koi samundar mujh mein tha
aaj teri yaad se Takra ke TukDe ho gaya
wo jo sadiyon se luDhakta ek patthar mujh mein tha
jite-ji sahn-e-mazar-e-dost tha mera wajud
ek shikasta sa piyala aur kabutar mujh mein tha
main kahan jata dikhane apne andar ka kamal
jo kabhi mujh par na khul paya wo jauhar mujh mein tha
DhunDhta phirta hun us ko raat din KHud mein 'hasan'
wo jo kal tak mujh se bhi ek shaKHs behtar mujh mein tha
- Book : Ham Ne Bhi Mohabbat Ki Hai (Pg. 79)
- Author : Hassan Abbasi
- Publication : Nastalique Publications (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
