raat gahri hai to phir gham bhi farawan honge

raat gahrī hai to phir ġham bhī farāvāñ hoñge

kitne bujhte hue taare sar-e-mizhgāñ hoñge

qahr hai sā.at-e-mahshar hai ki kohrām-e-fanā

ḳhaak is shahr-e-fanā-kosh meñ insāñ hoñge

shahr ho dasht ho mahfil ho ki vīrāna ho

ham jahāñ jaa.eñ vahī ḳhār-e-muġhīlāñ hoñge

kaise is shahr-e-ḳharābī meñ basar kī ham ne

kal jo ā.eñge vo añgusht-ba-dandāñ hoñge

shaam se dil meñ tarāzū hai koī tīr-e-sitam

raat guzregī na ḳhvāboñ ke shabistāñ hoñge

diid kā bār-e-amānat na uThegā us shab

ḳhūñ-chakāñ sub.h talak dīda-e-hairāñ hoñge

fikr mahbūs huī harf-e-duā guñg huā

ahl-e-īmān-o-nazar ḳhāk-ba-damāñ hoñge

raat gahri hai to phir gham bhi farawan honge

kitne bujhte hue tare sar-e-mizhgan honge

qahr hai saat-e-mahshar hai ki kohram-e-fana

KHak is shahr-e-fana-kosh mein insan honge

shahr ho dasht ho mahfil ho ki virana ho

hum jahan jaen wahi KHar-e-mughilan honge

kaise is shahr-e-KHarabi mein basar ki hum ne

kal jo aaenge wo angusht-ba-dandan honge

sham se dil mein taraazu hai koi tir-e-sitam

raat guzregi na KHwabon ke shabistan honge

did ka bar-e-amanat na uThega us shab

KHun-chakan subh talak dida-e-hairan honge

fikr mahbus hui harf-e-dua gung hua

ahl-e-iman-o-nazar KHak-ba-daman honge