رات گزرے گی سحر مجھ کو میسر ہوگی

رات گزرے گی سحر مجھ کو میسر ہوگی

ہے یہی آس کہ یہ زندگی بہتر ہوگی

رخ کریں گی مرے آنگن کا بہاریں اک دن

میری دہلیز بھی خوشیوں سے معطر ہوگی

مٹ ہی جائیں گے یقیناً یہ اندھیرے غم کے

دل کی بستی بھی کسی روز منور ہوگی

میں چلا جاؤں گا جب چھوڑ کے تیری دنیا

تجھ کو تسکین نہ اک پل بھی میسر ہوگی

رہنمائی مرا ہر شعر کرے گا یارو

میری ہر بات تو بس میل کا پتھر ہوگی

عکسؔ چاہت کا اثر اس پہ بھی ہوگا اک دن

اس کی حالت مری حالت سے بھی بد تر ہوگی