رات گزری نہ کم ستارے ہوئے
رات گزری نہ کم ستارے ہوئے
منکشف ہم پہ ہجر سارے ہوئے
ناؤ دو لخت ہو گئی اک دن
دو مسافر تھے دو کنارے ہوئے
پھول دلدل میں کھل رہا ہے یہاں
ہم ہیں اک جسم پر اتارے ہوئے
جانے کس وقت نیند آئی ہمیں
جانے کس وقت ہم تمہارے ہوئے
مدتوں بعد کام آئے ہیں
چند لمحے کہیں گزارے ہوئے
اپنی چھت پر اداس بیٹھے ہیں
ہم پرندوں کا روپ دھارے ہوئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
