raat ka pichhla pahar kaisi nishani de gaya
raat kā pichhlā pahar kaisī nishānī de gayā
munjamid āñkhoñ ke dariyā ko ravānī de gayā
maiñ sadāqat kā alam-bardār samjhā thā jise
vo bhī jab ruḳhsat huā to ik kahānī de gayā
pahle apnā tajziya karne pe uksāyā mujhe
phir natīja-ḳheziyoñ ko be-zabānī de gayā
kyuuñ ujāloñ kī navāzish ho rahī hai har taraf
kyā koī bujhte charāġhoñ ko javānī de gayā
kyuuñ na is āvāra bādal ko du'ā.eñ dījiye
jo samundar ko ḳhalish sahrā ko paanī de gayā
raat ka pichhla pahar kaisi nishani de gaya
munjamid aankhon ke dariya ko rawani de gaya
main sadaqat ka alam-bardar samjha tha jise
wo bhi jab ruKHsat hua to ek kahani de gaya
pahle apna tajziya karne pe uksaya mujhe
phir natija-KHeziyon ko be-zabani de gaya
kyun ujalon ki nawazish ho rahi hai har taraf
kya koi bujhte charaghon ko jawani de gaya
kyun na is aawara baadal ko du'aen dijiye
jo samundar ko KHalish sahra ko pani de gaya
- Book : Rat jage (Pg. 43)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
