raat ka sannaTa ho aur raaz-dan koi na ho

raat kā sannāTā ho aur rāz-dāñ koī na ho

bīviyāñ tanhā hī ghūmeñ aur miyāñ koī na ho

mamlikat ko fikr-e-ta.amīr-e-makāñ koī na ho

hoñ paḌe fōtpath pe sab āshiyāñ koī na ho

hai yahī jī meñ ki ham sab ḳhāna-jañgī meñ mareñ

mulk pe miTne kī ḳhātir ḳhāndāñ koī na ho

āpā-dhāpī kī fazā ho jo bhī chāhe luuT le

rāhbar nā-bīnā hoñ sab pāsbāñ koī na ho

aañkh se dekhā na jaa.e aql par parda paḌe

vo kisī se bhī mileñ mujh ko gumāñ koī na ho

jab huī ik laḌkī iġhvā shaiḳh ne dī bad-duā

is galī kā lauñDā yā-rab ab javāñ koī na ho

chāqū chhuriyāñ hall meñ laane ke ham qaa.il nahīñ

hai yahī kaafī ki bas ab imtihāñ koī na ho

rishvatoñ kā ḳhatm ho paa.e na koī silsila

C B I DhūñDhtī ho par nishāñ koī na ho

bak gayā hai 'rāz' kyā kyā dostoñ ke darmiyāñ

be-hayā muñh-phaT aur aisā bad-zabāñ koī na ho

raat ka sannaTa ho aur raaz-dan koi na ho

biwiyan tanha hi ghumen aur miyan koi na ho

mamlikat ko fikr-e-tamir-e-makan koi na ho

hon paDe footpath pe sab aashiyan koi na ho

hai yahi ji mein ki hum sab KHana-jangi mein maren

mulk pe miTne ki KHatir KHandan koi na ho

aapa-dhapi ki faza ho jo bhi chahe luT le

rahbar na-bina hon sab pasban koi na ho

aankh se dekha na jae aql par parda paDe

wo kisi se bhi milen mujh ko guman koi na ho

jab hui ek laDki ighwa shaiKH ne di bad-dua

is gali ka launDa ya-rab ab jawan koi na ho

chaqu chhuriyan hall mein lane ke hum qail nahin

hai yahi kafi ki bas ab imtihan koi na ho

rishwaton ka KHatm ho pae na koi silsila

C B I DhunDhti ho par nishan koi na ho

bak gaya hai 'raaz' kya kya doston ke darmiyan

be-haya munh-phaT aur aisa bad-zaban koi na ho