raat kai aawara sapne aankhon mein lahrae the

raat ka.ī āvāra sapne āñkhoñ meñ lahrā.e the

shāyad vo ḳhud bhes badal kar niiñd churāne aa.e the

jīvan ke vo pyāse lamhe barsoñ meñ raas aa.e the

raat tirī zulfoñ ke bādal mastī meñ lahrā.e the

haa.e vo mahkī mahkī rāteñ haa.e vo bahke bahke din

jab vo mere mehmāñ ban kar mere ghar meñ aa.e the

tum ko bhī āġhāz-e-mohabbat yaad to hogā kam se kam

pahle-pahal milte hī nazreñ ham donoñ sharmā.e the

haa.e vo rabt-o-zabt-e-mohabbat haa.e ye pās-e-shart-e-vafā

aaj na milne par bhī ḳhush haiñ kal mil kar pachhtā.e the

raat kai aawara sapne aankhon mein lahrae the

shayad wo KHud bhes badal kar nind churane aae the

jiwan ke wo pyase lamhe barson mein ras aae the

raat teri zulfon ke baadal masti mein lahrae the

hae wo mahki mahki raaten hae wo bahke bahke din

jab wo mere mehman ban kar mere ghar mein aae the

tum ko bhi aaghaz-e-mohabbat yaad to hoga kam se kam

pahle-pahal milte hi nazren hum donon sharmae the

hae wo rabt-o-zabt-e-mohabbat hae ye pas-e-shart-e-wafa

aaj na milne par bhi KHush hain kal mil kar pachhtae the