raat KHwabon ne pareshan kar diya

raat ḳhvāboñ ne pareshāñ kar diyā

sub.h ā.īñe ne hairāñ kar diyā

bole ''baiTho'' aur chehre par mire

ek chehra aur chaspāñ kar diyā

mere aage khīñch dī kaisī lakīr

ik dar-e-be-dar kā darbāñ kar diyā

aap phūloñ titliyoñ meñ chhup ga.e

ham ko sahrā kā nigahbāñ kar diyā

aaise dekhā jaise dekhā hī nahīñ

aaj ham ne us ko hairāñ kar diyā

raat KHwabon ne pareshan kar diya

subh aaine ne hairan kar diya

bole baiTho aur chehre par mere

ek chehra aur chaspan kar diya

mere aage khinch di kaisi lakir

ek dar-e-be-dar ka darban kar diya

aap phulon titliyon mein chhup gae

hum ko sahra ka nigahban kar diya

aaise dekha jaise dekha hi nahin

aaj hum ne us ko hairan kar diya