raat usko rula diya maine

raat us ko rulā diyā maiñ ne

sab ġhamoñ kā maza liyā maiñ ne

zikr kar ke tirī udāsī kā

saare phūloñ ko chup kiyā maiñ ne

ek din shā'irī batā degī

ḳhud ko tanhā nahīñ jiyā maiñ ne

aisī tartīb dī sitāroñ ko

aap kā naam likh diyā maiñ ne

qabr laa.iq zamīn mil hī ga.ī

'umr-bhar kuchh nahīñ kiyā maiñ ne

vo dubāra nazar nahīñ aayā

jis ko terā pata diyā maiñ ne

Duub kar mar gayā samundar meñ

khārā paanī nahīñ piyā maiñ ne

raat us ko rula diya main ne

sab ghamon ka maza liya main ne

zikr kar ke teri udasi ka

sare phulon ko chup kiya main ne

ek din sha'iri bata degi

KHud ko tanha nahin jiya main ne

aisi tartib di sitaron ko

aap ka nam likh diya main ne

qabr laiq zamin mil hi gai

'umr-bhar kuchh nahin kiya main ne

wo dubara nazar nahin aaya

jis ko tera pata diya main ne

Dub kar mar gaya samundar mein

khaara pani nahin piya main ne