raaton ko tasawwur hai un ka aur chupke chupke rona hai

rātoñ ko tasavvur hai un kā aur chupke chupke ronā hai

ai sub.h ke taare tū hī batā anjām mirā kyā honā hai

in nau-ras āñkhoñ vāloñ kā kyā hañsnā hai kyā ronā hai

barse hue sachche motī haiñ bahtā huā ḳhālis sonā hai

dil ko khoyā ḳhud bhī kho.e duniyā khoī diin bhī khoyā

ye gum-shudagī hai to ik din ai dost tujhe bhī khonā hai

tam.īz-e-kamāl-o-naqs uThā ye to raushan hai duniyā par

maiñ chandan huuñ tū kundan hai maiñ miTTī huuñ tū sonā hai

tū ye na samajh lillāh ki hai taskīn tire dīvānoñ ko

vahshat meñ hamārā hañs paḌnā dar-asl hamārā ronā hai

mātam hai mirī āvāz shikast-e-sāz-e-dil-e-sad-pāra kā

'saġhar' merā naġhma bhī dīpak ke suroñ meñ ronā hai

raaton ko tasawwur hai un ka aur chupke chupke rona hai

ai subh ke tare tu hi bata anjam mera kya hona hai

in nau-ras aankhon walon ka kya hansna hai kya rona hai

barse hue sachche moti hain bahta hua KHalis sona hai

dil ko khoya KHud bhi khoe duniya khoi din bhi khoya

ye gum-shudagi hai to ek din ai dost tujhe bhi khona hai

tamiz-e-kamal-o-naqs uTha ye to raushan hai duniya par

main chandan hun tu kundan hai main miTTi hun tu sona hai

tu ye na samajh lillah ki hai taskin tere diwanon ko

wahshat mein hamara hans paDna dar-asl hamara rona hai

matam hai meri aawaz shikast-e-saz-e-dil-e-sad-para ka

'saghar' mera naghma bhi dipak ke suron mein rona hai