raaton mein jagne ke liye aur chain khone ke liye

rātoñ meñ jagne ke liye aur chain khone ke liye

ham ne mohabbat yaar key bīmār hone ke liye

kal ham ne jab taare gine aur guftugū key chāñd se

saare charāġhoñ ne kahā thā ham se sone ke liye

ham be-sabab Takrā ga.e the ishq ke tūfān se

thā TūTnā bhī lāzmī ḳhud ko sañjone ke liye

nūr-e-jahāñ haiñ aur bhī shīrīñ-zabāñ haiñ aur bhī

ik ham hī kyoñ us ko mile phir jaadū Tone ke liye

is zindagī ke ġham kā kyā hai aaj hai kal ho na ho

phir kyoñ gavā.eñ vaqt ham kuchh ḳhvāb bone ke liye

sach meñ unheñ bhī ishq hai ham se ajī ye kyā kahā

ya.anī ki vo bhī aa ga.e barbād hone ke liye

ab duur hote jā rahe haiñ 'rīt' ham se rishta sab

dhāgā koī ab chāhiye rishta pirone ke liye

raaton mein jagne ke liye aur chain khone ke liye

hum ne mohabbat yar key bimar hone ke liye

kal hum ne jab tare gine aur guftugu key chand se

sare charaghon ne kaha tha hum se sone ke liye

hum be-sabab Takra gae the ishq ke tufan se

tha TuTna bhi lazmi KHud ko sanjone ke liye

nur-e-jahan hain aur bhi shirin-zaban hain aur bhi

ek hum hi kyon us ko mile phir jadu Tone ke liye

is zindagi ke gham ka kya hai aaj hai kal ho na ho

phir kyon gawaen waqt hum kuchh KHwab bone ke liye

sach mein unhen bhi ishq hai hum se aji ye kya kaha

yani ki wo bhi aa gae barbaad hone ke liye

ab dur hote ja rahe hain 'rit' hum se rishta sab

dhaga koi ab chahiye rishta pirone ke liye