raaz apna jo kah diya tu ne

raaz apnā jo kah diyā tū ne

dil-e-nādāñ ye kyā kiyā tū ne

dard-e-dil kī na kī davā tū ne

na sunī merī iltijā tū ne

saaf hai kis qadar ye dād-e-dast

dil diyā maiñ ne aur liyā tū ne

nazr maiñ ne kiyā jo apnā dil

is ke badle meñ kyā diyā tū ne

ho evaz yā na ho karam hai tirā

dil-e-muztar to le liyā tū ne

raah par muḌ ke kyuuñ mujhe dekhā

kī mohabbat kī ibtidā tū ne

va.ada kar ke jo le liyā vāpas

ai sitamgar ye kyuuñ kiyā tū ne

nahīñ pahlū meñ jab qayām-o-qarār

ai ḳhudā kyuuñ ye dil diyā tū ne

dil lagāyā thā ek se 'hāfiz'

ai ḳhudā kyuuñ kiyā judā tū ne

mujh ko paidā kiyā ḳhudā tū ne

aur sab kuchh atā kiyā tū ne

terī rahmat kā kuchh hisāb nahīñ

dī hai har dard kī davā tū ne

kar ke tauba sambhal gayā aasī

phir bhī us ko bachā liyā tū ne

dī haiñ duniyā meñ ne.amateñ kyā kyā

apne bandoñ ko ai ḳhudā tū ne

pahle batlā diyā gunāh hai kyā

afv kī us kī phir ḳhatā tū ne

duur pheñkā na ba.ad-e-murdan bhī

paas apne bulā liyā tū ne

rahm terā ġhazab pe ġhālib hai

kyuuñ banā.ī sazā jazā tū ne

naaz us ne uThā.e ai 'hāfiz'

rah ke duniyā meñ kyā kiyā tū ne

raaz apna jo kah diya tu ne

dil-e-nadan ye kya kiya tu ne

dard-e-dil ki na ki dawa tu ne

na suni meri iltija tu ne

saf hai kis qadar ye dad-e-dast

dil diya main ne aur liya tu ne

nazr main ne kiya jo apna dil

is ke badle mein kya diya tu ne

ho ewaz ya na ho karam hai tera

dil-e-muztar to le liya tu ne

rah par muD ke kyun mujhe dekha

ki mohabbat ki ibtida tu ne

wada kar ke jo le liya wapas

ai sitamgar ye kyun kiya tu ne

nahin pahlu mein jab qayam-o-qarar

ai KHuda kyun ye dil diya tu ne

dil lagaya tha ek se 'hafiz'

ai KHuda kyun kiya juda tu ne

mujh ko paida kiya KHuda tu ne

aur sab kuchh ata kiya tu ne

teri rahmat ka kuchh hisab nahin

di hai har dard ki dawa tu ne

kar ke tauba sambhal gaya aasi

phir bhi us ko bacha liya tu ne

di hain duniya mein neamaten kya kya

apne bandon ko ai KHuda tu ne

pahle batla diya gunah hai kya

afw ki us ki phir KHata tu ne

dur phenka na baad-e-murdan bhi

pas apne bula liya tu ne

rahm tera ghazab pe ghaalib hai

kyun banai saza jaza tu ne

naz us ne uThae ai 'hafiz'

rah ke duniya mein kya kiya tu ne