rāz-e-dil jo tirī mahfil meñ bhī ifshā na huā
yā sar-e-dār huā yā sar-e-mai-ḳhāna huā
ek ham haiñ ki tasavvur ki tarah saath rahe
ek tū hai ki jo ḳhalvat meñ bhī tanhā na huā
kyā bharosa hai tire lutf-o-karam kā ai dost
jis tarah sāya-e-dīvār huā yā na huā
shabnamistāñ meñ utar aa.ī thī sūraj kī kiran
ā.ina-ḳhāna-e-gul thā ki sanam-ḳhāna huā
is qadar rañj sahe dil ne vafā meñ 'ḳhātir'
aaj vo ham se jo bichhḌe bhī to sadma na huā
raaz-e-dil jo teri mahfil mein bhi ifsha na hua
ya sar-e-dar hua ya sar-e-mai-KHana hua
ek hum hain ki tasawwur ki tarah sath rahe
ek tu hai ki jo KHalwat mein bhi tanha na hua
kya bharosa hai tere lutf-o-karam ka ai dost
jis tarah saya-e-diwar hua ya na hua
shabnamistan mein utar aai thi suraj ki kiran
aaina-KHana-e-gul tha ki sanam-KHana hua
is qadar ranj sahe dil ne wafa mein 'KHatir'
aaj wo hum se jo bichhDe bhi to sadma na hua
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
