raaz-e-dil kya zaban se nikla

rāz-e-dil kyā zabān se niklā

ghar kā bhedī makān se niklā

kyā milā hāl-e-dil bayāñ kar ke

kyā natīja bayān se niklā

ho gayā ham-kanār-e-manzil-e-shauq

dil jo vahm-o-gumān se niklā

raat ḳhalvat meñ chain se guzrī

dil kā armān shaan se niklā

aa gayā dil kā ḳhuun mizhgāñ par

dur-e-shahvār kaan se niklā

jab kahā maiñ ne aap ā.eñge

yak-ba-yak haañ zabān se niklā

hoñge donoñ jahāñ tah-o-bālā

vo kabhī lā-makān se niklā

vo ye kahte haiñ khīñch leñge zabāñ

harf koī zabān se niklā

aah yuuñ dil se shām-e-ġham niklī

tiir jaise kamān se niklā

lab khule rah ga.e sar-e-mahfil

kyā kahā kyā zabān se niklā

muft meñ ai 'girāmī' ḳhvār hue

kaam kyā pāsbān se niklā

raaz-e-dil kya zaban se nikla

ghar ka bhedi makan se nikla

kya mila haal-e-dil bayan kar ke

kya natija bayan se nikla

ho gaya ham-kanar-e-manzil-e-shauq

dil jo wahm-o-guman se nikla

raat KHalwat mein chain se guzri

dil ka arman shan se nikla

aa gaya dil ka KHun mizhgan par

dur-e-shahwar kan se nikla

jab kaha main ne aap aaenge

yak-ba-yak han zaban se nikla

honge donon jahan tah-o-baala

wo kabhi la-makan se nikla

wo ye kahte hain khinch lenge zaban

harf koi zaban se nikla

aah yun dil se sham-e-gham nikli

tir jaise kaman se nikla

lab khule rah gae sar-e-mahfil

kya kaha kya zaban se nikla

muft mein ai 'girami' KHwar hue

kaam kya pasban se nikla