raaz-e-ulfat ahl-e-duniya ko jo samjhane gae

rāz-e-ulfat ahl-e-duniyā ko jo samjhāne ga.e

dar-ḳhur-e-dār-o-rasan vo log gardāne ga.e

'sarmad'-e-jāñ-bāz thā iisā thā yā 'mansūr' thā

sham.a kī lau tak yahī do-chār parvāne ga.e

mai-kade kā mai-kada rusvā-e-ālam ho gayā

jis kisī kam-zarf tak labrez paimāne ga.e

ahl-e-aql-o-hosh ne kyā kyā na toḌe un pe zulm

us pe bhī sau sau duā.eñ de ke dīvāne ga.e

nau-e-insāñ ko mile jin se mai-e-ulfat ke jaam

ab kahāñ ai sāqī-e-rā.anā vo mai-ḳhāne ga.e

mai-kade hī meñ milā kuchh terī hastī kā nishāñ

dair-o-ka.aba meñ bhī yuuñ to tere dīvāne ga.e

'sābir'-e-nādāñ na samjhā ishq ke anjām ko

jaane kitnī baar us ko ham bhī samjhāne ga.e

raaz-e-ulfat ahl-e-duniya ko jo samjhane gae

dar-KHur-e-dar-o-rasan wo log gardane gae

'sarmad'-e-jaan-baz tha isa tha ya 'mansur' tha

shama ki lau tak yahi do-chaar parwane gae

mai-kade ka mai-kada ruswa-e-alam ho gaya

jis kisi kam-zarf tak labrez paimane gae

ahl-e-aql-o-hosh ne kya kya na toDe un pe zulm

us pe bhi sau sau duaen de ke diwane gae

nau-e-insan ko mile jin se mai-e-ulfat ke jam

ab kahan ai saqi-e-raana wo mai-KHane gae

mai-kade hi mein mila kuchh teri hasti ka nishan

dair-o-kaba mein bhi yun to tere diwane gae

'sabir'-e-nadan na samjha ishq ke anjam ko

jaane kitni bar us ko hum bhi samjhane gae