raaz hai bahut gahra baat ek zara si hai

raaz hai bahut gahrā baat ik zarā sī hai

vo maiñ sāmne phir bhī chashm-e-shauq pyāsī hai

zindagī bhī barham hai maut bhī ḳhafā sī hai

āj-kal to donoñ meñ aap kī udāsī hai

apnī anjuman se ham ye kahāñ chale aa.e

har taraf añdherā hai har taraf udāsī hai

dāġh-e-dil ko raushan kar ġham kī raat hai lambī

sham.a kā bharosa kyā mah bhī bevafā sī hai

aap hazrat-e-vā.is pahle ḳhud ko pahchāneñ

kyūñki ḳhud-shanāsī hī vaj.h-e-haq-shanāsī hai

jaam is liye apnā āñsuoñ se bhartā huuñ

jis nazar se piitā thā aaj vo bhī pyāsī hai

yuuñ to hijr kī rāteñ roz hī guzartī haiñ

aaj ai 'sabā' lekin sub.h se udāsī hai

raaz hai bahut gahra baat ek zara si hai

wo main samne phir bhi chashm-e-shauq pyasi hai

zindagi bhi barham hai maut bhi KHafa si hai

aaj-kal to donon mein aap ki udasi hai

apni anjuman se hum ye kahan chale aae

har taraf andhera hai har taraf udasi hai

dagh-e-dil ko raushan kar gham ki raat hai lambi

shama ka bharosa kya mah bhi bewafa si hai

aap hazrat-e-wais pahle KHud ko pahchanen

kyunki KHud-shanasi hi wajh-e-haq-shanasi hai

jam is liye apna aansuon se bharta hun

jis nazar se pita tha aaj wo bhi pyasi hai

yun to hijr ki raaten roz hi guzarti hain

aaj ai 'saba' lekin subh se udasi hai