raaz hai ibrat-asar fitrat ki har tahrir ka

raaz hai ibrat-asar fitrat kī har tahrīr kā

mus.haf-e-nātiq kahāñ muhtāj hī tafsīr kā

ma.anī-e-qadr-o-qazā hai nau-bahār-e-lāla-rañg

har dil-e-zarra meñ hai jazba na.ī ta.amīr kā

hikmat-e-ādam se hai raushan shabistān-e-jahāñ

nafs-e-maqsad hai huvaidā ḳhāliq-e-taqdīr kā

kāvish-e-paiham se duniyā kī fazā jannat-adā

ye tasarruf hai bashar kī quvvat-e-tasḳhīr kā

daulat-e-kaunain musht-e-ḳhāk ke dāman meñ hai

aadmī me.amār hai āfāq kī taqdīr kā

bahr-e-imkā۔n meñ habāb-āsā hai kashtī-e-vajūd

naqsh-e-fānī har tamavvuj sail-e-āfat-gīr kā

paikar-e-ḳhākī jahān-e-maḳhzan-e-asrār hai

aadmī shahkār hai allāh kī taqdīr kā

ḳhuun se majbūr ke dasht-e-jahāñ jannat-badosh

shiddat-e-mehnat se dilkash rañg hai tasvīr kā

nāla-e-bulbul se fasl-e-gul garebāñ chaak hai

ġhuncha ġhuncha said hai bād-e-sahar ke tiir kā

maujzan hai qatra-e-shabnam meñ sail-e-zindagī

zarra-e-kamtar hai mehvar mehr-e-pur-tanvīr kā

iztirāb-e-shauq meñ dil haath se jaatā rahā

ye asar hai ham-nashīñ taqrīr-e-pur-tāsīr kā

nashtar-e-vahshat nafas mauj-e-nafas kī sar-kashī

ālam-e-ta.azīr hai dozaḳh mirī taqsīr kā

faqr par īsār se haiñ mutma.in rūh-o-zamīr

dard-e-dil hai ḳhaas maḳhzan ishq kī jāgīr kā

zarre zarre se hai zāhir shāhid-e-har-do-jahāñ

aa.ina 'bebāk' dil hai ḳhāliq-e-taqdīr kā

raaz hai ibrat-asar fitrat ki har tahrir ka

mushaf-e-natiq kahan muhtaj hi tafsir ka

mani-e-qadr-o-qaza hai nau-bahaar-e-lala-rang

har dil-e-zarra mein hai jazba nai tamir ka

hikmat-e-adam se hai raushan shabistan-e-jahan

nafs-e-maqsad hai huwaida KHaliq-e-taqdir ka

kawish-e-paiham se duniya ki faza jannat-ada

ye tasarruf hai bashar ki quwwat-e-tasKHir ka

daulat-e-kaunain musht-e-KHak ke daman mein hai

aadmi meamar hai aafaq ki taqdir ka

bahr-e-imka۔n mein habab-asa hai kashti-e-wajud

naqsh-e-fani har tamawwuj sail-e-afat-gir ka

paikar-e-KHaki jahan-e-maKHzan-e-asrar hai

aadmi shahkar hai allah ki taqdir ka

KHun se majbur ke dasht-e-jahan jannat-badosh

shiddat-e-mehnat se dilkash rang hai taswir ka

nala-e-bulbul se fasl-e-gul gareban chaak hai

ghuncha ghuncha said hai baad-e-sahar ke tir ka

maujzan hai qatra-e-shabnam mein sail-e-zindagi

zarra-e-kamtar hai mehwar mehr-e-pur-tanwir ka

iztirab-e-shauq mein dil hath se jata raha

ye asar hai ham-nashin taqrir-e-pur-tasir ka

nashtar-e-wahshat nafas mauj-e-nafas ki sar-kashi

aalam-e-tazir hai dozaKH meri taqsir ka

faqr par isar se hain mutmain ruh-o-zamir

dard-e-dil hai KHas maKHzan ishq ki jagir ka

zarre zarre se hai zahir shahid-e-har-do-jahan

aaina 'bebak' dil hai KHaliq-e-taqdir ka