raaz ulfat ke ayan raat ko sare hote

raaz ulfat ke ayaañ raat ko saare hote

ham ka.ī baar unheñ ghabrā ke pukāre hote

sho.ala-e-husn ko rokā hai naqāb-e-ruḳh ne

abhī motī tire kānoñ ke sharāre hote

jānte the ki utāroge lahad meñ ham ko

maile kapḌe abhī tum ne na utāre hote

mere marne ke rahe muntazir ehsān kiyā

kyuuñ sahī aap ne taklīf sudhāre hote

sāmne mere raqīboñ ko dikhā.e abrū

aap ne us se to ḳhanjar mujhe maare hote

saath aahoñ ke shab-e-ġham meñ jo dil uḌ jaatā

aable auj ye paate ki sitāre hote

duur se bhī na huā yaar kā dīdār nasīb

ḳhair bāteñ na huī thiiñ to ishāre hote

ishq-bāzī na rahī dil jo gayā vaah 'rashīd'

dam nikal jaatā pa himmat to na haare hote

raaz ulfat ke ayan raat ko sare hote

hum kai bar unhen ghabra ke pukare hote

shoala-e-husn ko roka hai naqab-e-ruKH ne

abhi moti tere kanon ke sharare hote

jaante the ki utaroge lahad mein hum ko

maile kapDe abhi tum ne na utare hote

mere marne ke rahe muntazir ehsan kiya

kyun sahi aap ne taklif sudhaare hote

samne mere raqibon ko dikhae abru

aap ne us se to KHanjar mujhe mare hote

sath aahon ke shab-e-gham mein jo dil uD jata

aable auj ye pate ki sitare hote

dur se bhi na hua yar ka didar nasib

KHair baaten na hui thin to ishaare hote

ishq-bazi na rahi dil jo gaya wah 'rashid'

dam nikal jata pa himmat to na haare hote