rah-e-hayat mein bas wo qadam baDha ke chale

rah-e-hayāt meñ bas vo qadam baḌhā ke chale

diye lahū ke sar-e-rāh jo jalā ke chale

guloñ ko pyaar kyā aur gale lagā ke chale

chaman meñ ḳhāroñ se dāman na ham bachā ke chale

patā chalā na masāfat kā pā ga.e manzil

qadam se jab bhī qadam dosto milā ke chale

nahīñ haiñ vāqif-e-asrār-e-lazzat-e-manzil

jo rāh-e-shauq se kāñTe haTā haTā ke chale

hazār ḳhaar haiñ dāman ko thāmne vaale

hamāre haath se āñchal jo tum chhuḌā ke chale

vo guzreñ shauq se be-ḳhauf o be-ḳhatar 'sāġhar'

dikhā ke rāsta manzil ko ham batā ke chale

rah-e-hayat mein bas wo qadam baDha ke chale

diye lahu ke sar-e-rah jo jala ke chale

gulon ko pyar kya aur gale laga ke chale

chaman mein KHaron se daman na hum bacha ke chale

pata chala na masafat ka pa gae manzil

qadam se jab bhi qadam dosto mila ke chale

nahin hain waqif-e-asrar-e-lazzat-e-manzil

jo rah-e-shauq se kanTe haTa haTa ke chale

hazar KHar hain daman ko thamne wale

hamare hath se aanchal jo tum chhuDa ke chale

wo guzren shauq se be-KHauf o be-KHatar 'saghar'

dikha ke rasta manzil ko hum bata ke chale