rah-e-hayat mein jo tajraba kamaya hai
rah-e-hayāt meñ jo tajraba kamāyā hai
vahī har ek masā.il meñ kaam aaya hai
ghirā rahā huuñ maiñ aksar hī in añdheroñ se
magar añdheroñ ne mujh ko bahut sikhāyā hai
zarūrateñ hī haiñ jo ham ko laatī haiñ nazdīk
baġhair is ke kisī ko qarīb paayā hai
talāsh-e-‘aish meñ jaane kahāñ kahāñ bhaTkā
zarā sī aarzū ne dar-ba-dar ghumāyā hai
ab apne haal pe rone kā kyā siyāq 'harīsh'
tumhī ne raah chunī thī tumhī ne paayā hai
rah-e-hayat mein jo tajraba kamaya hai
wahi har ek masail mein kaam aaya hai
ghira raha hun main aksar hi in andheron se
magar andheron ne mujh ko bahut sikhaya hai
zaruraten hi hain jo hum ko lati hain nazdik
baghair is ke kisi ko qarib paya hai
talash-e-‘aish mein jaane kahan kahan bhaTka
zara si aarzu ne dar-ba-dar ghumaya hai
ab apne haal pe rone ka kya siyaq 'harish'
tumhi ne rah chuni thi tumhi ne paya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
