rah-e-irfan mein apne hosh ko mail samajhte hain

rah-e-irfāñ meñ apne hosh ko maa.il samajhte haiñ

huī jab be-ḳhudī taarī use manzil samajhte haiñ

vufūq-e-shauq ko hai tañg aqsā-e-do-ālam bhī

fazā-e-lā-makāñ parvāz ke qābil samajhte haiñ

baqā zāhir meñ zarrāt-e-adam kā ik hayūlā hai

haqīqat meñ fanā ko ziist kā hāsil samajhte

zamāne kā asar hotā nahīñ hai haal par apne

ki yaksāñ hālat-e-māzī-o-mustaqbil samajhte haiñ

rah-e-irfan mein apne hosh ko mail samajhte hain

hui jab be-KHudi tari use manzil samajhte hain

wufuq-e-shauq ko hai tang aqsa-e-do-alam bhi

faza-e-la-makan parwaz ke qabil samajhte hain

baqa zahir mein zarraat-e-adam ka ek hayula hai

haqiqat mein fana ko zist ka hasil samajhte

zamane ka asar hota nahin hai haal par apne

ki yaksan haalat-e-mazi-o-mustaqbil samajhte hain