rah-e-wafa mein rahe ye nishan-e-KHatir bas

rah-e-vafā meñ rahe ye nishān-e-ḳhātir bas

baġhair naam ho mazkūr har musāfir bas

hazār vādī-e-tārīk se guzartā huā

ye 'ishq chāhtā hai ho tirā mu’āsir bas

tavīl marhala-e-justujū bhī thā darpesh

so ittifāq nahīñ thā huā vo zāhir bas

phir us ke baa'd sabhī ho gayā idhar kā udhar

vo ek lamha-e-maujūd meñ thā hāzir bas

ye ik jazīra-e-be-rāh bhī nahīñ rahnā

to kyā qarīb hai vo majma'-ul-jazā.ir bas

rah-e-wafa mein rahe ye nishan-e-KHatir bas

baghair nam ho mazkur har musafir bas

hazar wadi-e-tarik se guzarta hua

ye 'ishq chahta hai ho tera mu’asir bas

tawil marhala-e-justuju bhi tha darpesh

so ittifaq nahin tha hua wo zahir bas

phir us ke ba'd sabhi ho gaya idhar ka udhar

wo ek lamha-e-maujud mein tha hazir bas

ye ek jazira-e-be-rah bhi nahin rahna

to kya qarib hai wo majma'-ul-jazair bas