رہ گئی تھی یہی اک بات بتانے کے لیے

رہ گئی تھی یہی اک بات بتانے کے لیے

ہم تو آئے تھے یہاں لوٹ کے جانے کے لیے

شوق نے دن وہ دکھائے ہیں کہ دل جانتا ہے

کہہ دیا تھا کبھی دیدار دکھانے کے لیے

اب تو اتنا بھی نہیں یاد کہ وہ صورت خواب

یاد رکھنے کے لیے تھی کہ بھلانے کے لیے

دم خوں ریز بھی جاتی نہیں شوخی ان کی

مجھ سے ہی کہتے ہیں تلوار اٹھانے کے لیے

روز اک رنگ ابھرتا ہے سر صفحۂ درد

روز اک نقش بناتا ہوں مٹانے کے لیے

بحر پر شور میں اب خوش ہوں کہ اک موج سکوت

آنے والی ہے مجھے پار لگانے کے لیے