rah jati hai har chiz jahan sae mein Dhal kar

rah jaatī hai har chiiz jahāñ saa.e meñ Dhal kar

vo des bhī ik baar zarā dekhiye chal kar

ham qāfila-e-fikr baḌhā le ga.e aage

aa.ī jo sadā dasht-e-ziyāñ meñ ki amal kar

uftāda-e-rah kī nahīñ suntā koī fariyād

aatā hai jo baḌh jaatā hai pairoñ se kuchal kar

har rauzan-e-dīvār se haiñ ghūrtī āñkheñ

is ḳhauf ke zindāñ se kahāñ jaa.eñ nikal kar

sairāb to hotī haiñ kisī aks se āñkheñ

aatī hai koī mauj tahoñ se to uchhal kar

sad-haif ki zaa.e.a dil-e-insāñ pe ho vo aag

jis aag se kohsār bhī rah jaa.eñ pighal kar

rah jati hai har chiz jahan sae mein Dhal kar

wo des bhi ek bar zara dekhiye chal kar

hum qafila-e-fikr baDha le gae aage

aai jo sada dasht-e-ziyan mein ki amal kar

uftada-e-rah ki nahin sunta koi fariyaad

aata hai jo baDh jata hai pairon se kuchal kar

har rauzan-e-diwar se hain ghurti aankhen

is KHauf ke zindan se kahan jaen nikal kar

sairab to hoti hain kisi aks se aankhen

aati hai koi mauj tahon se to uchhal kar

sad-haif ki zaea dil-e-insan pe ho wo aag

jis aag se kohsar bhi rah jaen pighal kar