رہ نوردی کا پیمبر تھا مگر اچھا لگا

رہ نوردی کا پیمبر تھا مگر اچھا لگا

وہ حضر وہ لمحے بھر کا ہم سفر اچھا لگا

میر و غالب جس گلی تھے برملا رسوا ہوئے

اس گلی چپ چاپ سا اپنا گزر اچھا لگا

منفرد ہیں زاویے ہر شاعری کے دیکھیے

سب کو اپنی شاعری کا یہ ہنر اچھا لگا

رنگ تھے کچھ اور بھی لاہور کے سب یاد ہیں

پر پرانے شہر کا بوڑھا شجر اچھا لگا

اس جہاں میں الفتوں کی دھوم ہوگی چار سو

برملا ہم کہہ سکیں گے یہ بشر اچھا لگا

اور بھی اچھے بھلے ہیں بزم میں جوگیؔ مگر

تیرا مجھ کو بیٹھنے آنا ادھر اچھا لگا

راز مجھ کو بھی نہیں معلوم رے جوگن بتا

تجھ کو اتنا کیوں یہ جوگیؔ دربدر اچھا لگا