rah rah ke hoti jati hai duniya tamam-shud

rah rah ke hotī jaatī hai duniyā tamām-shud

hotā nahīñ hai ishq kā qissa tamām-shud

pyāse to apne hoñT bhigo kar chale ga.e

lekin havas se kab huā dariyā tamām-shud

bikhrā ke motī ishq ke har naqsh-e-pā ke saath

us ne kiyā hai dasht-e-tamannā tamām-shud

girtā hai ek pardā añdhere kā ziist par

hotā hai roz ek tamāsha tamām-shud

kuchh bhī nahīñ bachegā jahāñ meñ sivā-e-ishq

majnūñ tamām ho gayā lailā tamām-shud

ġhuncho kī mauj us ke tabassum pe hai ayaañ

kar degī merī āñkhoñ kā sahrā tamām-shud

āñkhoñ meñ le ke phirtī hai nāz-o-adā ke rang

lahrā ke khīñch luuñ to ho sahbā tamām-shud

ik zaḳhm jis meñ tiir bhī paayā gayā na jazb

us par huā hai ilm-e-masīhā tamām-shud

Dūbeñge ek qulzum-e-ḳhūñ hī meñ ham sabhī

hogī har ek hastī-e-ashyā tamām-shud

keh kar gayā ye āshiq bedār arsh se

ham jā rahe haiñ tum karo charchā tamām-shud

uTThegī jab bhī mauj qayāmat kī tab 'nadīm'

ka.aba tamām hogā kalīsā tamām-shud

rah rah ke hoti jati hai duniya tamam-shud

hota nahin hai ishq ka qissa tamam-shud

pyase to apne honT bhigo kar chale gae

lekin hawas se kab hua dariya tamam-shud

bikhra ke moti ishq ke har naqsh-e-pa ke sath

us ne kiya hai dasht-e-tamanna tamam-shud

girta hai ek parda andhere ka zist par

hota hai roz ek tamasha tamam-shud

kuchh bhi nahin bachega jahan mein siwa-e-ishq

majnun tamam ho gaya laila tamam-shud

ghuncho ki mauj us ke tabassum pe hai ayan

kar degi meri aankhon ka sahra tamam-shud

aankhon mein le ke phirti hai naz-o-ada ke rang

lahra ke khinch lun to ho sahba tamam-shud

ek zaKHm jis mein tir bhi paya gaya na jazb

us par hua hai ilm-e-masiha tamam-shud

Dubenge ek qulzum-e-KHun hi mein hum sabhi

hogi har ek hasti-e-ashya tamam-shud

keh kar gaya ye aashiq bedar arsh se

hum ja rahe hain tum karo charcha tamam-shud

uTThegi jab bhi mauj qayamat ki tab 'nadim'

kaba tamam hoga kalisa tamam-shud