رہرو راہ محبت کون سی منزل میں ہے
رہرو راہ محبت کون سی منزل میں ہے
دل ہے بے زار محبت اور محبت دل میں ہے
کیا زباں پر ہے کسی کی کیا کسی کے دل میں ہے
جس کی محفل ہے وہی جانے وہ جس مشکل میں ہے
کاروان حسن و عشق اب تک کہیں ٹھہرا نہیں
قیس ابھی صحرا میں ہے لیلیٰ ابھی محمل میں ہے
عشرت رفتہ کا رونا کیا غم امروز میں
عیش فردا بھی وہ ماضی ہے جو مستقبل میں ہے
رنگ محفل میں نظر آتا ہے اک رنگ دگر
تیری محفل کے سوا بھی کچھ تری محفل میں ہے
ہم سفر کچھ دن رہے لیکن خدا جانے کہ اب
عشق ہے کس مرحلے میں حسن کس منزل میں ہے
منزل مقصود بسملؔ وہ نظر آنے لگی
ہر نظر منزل پہ جیسے ہر قدم منزل میں ہے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
