raha ishq mein qalb-e-muztar nikal kar

rahā 'ishq meñ qalb-e-muztar nikal kar

taḌap kar phaḌak kar machal kar uchhal kar

rahegā junūñ jism par ḳhaak mal kar

sū-e-dasht jā.ūñgā kapḌe badal kar

kabūtar ko bhejā hai sūrat badal kar

lagā.e haiñ par roġhan-e-qāz mal kar

nahīñ ham vo bismil ki ho jaa.eñ ThanDe

vo thakte haiñ lāshe pe kāfūr mal kar

kase jaao tum band-e-mahram mirī jaañ

kahāñ jā.egā dekheñ joban nikal kar

milī ḳhaak meñ ābrū-e-mohabbat

Duboyā mujhe āñsuoñ ne nikal kar

marīz-e-mohabbat vo lāġhar hai jis ko

sañbhālā sañbhālegā Dar kar sañbhal kar

ye kahtī hai mujh se mirī sharm-e-isyāñ

na jā.ūñgā mulk-e-'adam se nikal kar

girah kholne deñ vo band-e-qabā kī

ilāhī kahīñ merī mushkil ko hal kar

pas-e-imtihāñ chaah tum se karūñgā

girūñgā kuñ.eñ meñ samajh kar sañbhal kar

uchak leñgī us but kī tirchhī nigāheñ

bhavoñ se agar jā.egā bal nikal kar

mire siine pe chhoḌ jaate haiñ paikāñ

vo dil pher dete haiñ sūrat badal kar

tirī bazm meñ ek ḳhush ek ġhamgīñ

koī 'itr mal kar koī haath mal kar

zahe-rashk jin meñ kamar thī kisī kī

miTā deñ lakīreñ vo hāthoñ ko mal kar

raheñ tīr-e-qātil mire dil meñ 'rāsiḳh'

ilāhī na jaa.eñ ye pariyāñ nikal kar

raha 'ishq mein qalb-e-muztar nikal kar

taDap kar phaDak kar machal kar uchhal kar

rahega junun jism par KHak mal kar

su-e-dasht jaunga kapDe badal kar

kabutar ko bheja hai surat badal kar

lagae hain par roghan-e-qaz mal kar

nahin hum wo bismil ki ho jaen ThanDe

wo thakte hain lashe pe kafur mal kar

kase jao tum band-e-mahram meri jaan

kahan jaega dekhen joban nikal kar

mili KHak mein aabru-e-mohabbat

Duboya mujhe aansuon ne nikal kar

mariz-e-mohabbat wo laghar hai jis ko

sanbhaala sanbhaalega Dar kar sanbhal kar

ye kahti hai mujh se meri sharm-e-isyan

na jaunga mulk-e-'adam se nikal kar

girah kholne den wo band-e-qaba ki

ilahi kahin meri mushkil ko hal kar

pas-e-imtihan chah tum se karunga

girunga kunen mein samajh kar sanbhal kar

uchak lengi us but ki tirchhi nigahen

bhawon se agar jaega bal nikal kar

mere sine pe chhoD jate hain paikan

wo dil pher dete hain surat badal kar

teri bazm mein ek KHush ek ghamgin

koi 'itr mal kar koi hath mal kar

zahe-rashk jin mein kamar thi kisi ki

miTa den lakiren wo hathon ko mal kar

rahen tir-e-qatil mere dil mein 'rasiKH'

ilahi na jaen ye pariyan nikal kar