raha pesh-e-nazar hasrat ka bab awwal se aaKHir tak

rahā pesh-e-nazar hasrat kā baab avval se āḳhir tak

paḌhī kis ne mohabbat kī kitāb avval se āḳhir tak

ishāra tak na likkhā koī us ne rabt-e-bāham kā

bahut be-rabt hai ḳhat kā javāb avval se āḳhir tak

mayassar ḳhaak hotā zindagī meñ lutf-e-tanhā.ī

rahe do do farishte ham-rikāb avval se āḳhir tak

ḳhushī meñ bhī mohabbat dushman-e-sabr-o-sakūñ niklī

rahā dil meñ vahī ik iztirāb avval se āḳhir tak

ġhalat-koshī kī aadat ne asar paidā kiyā aisā

ġhalat niklā gunāhoñ kā hisāb avval se āḳhir tak

mujhe le aa.ī hai umr-e-ravāñ kin ḳhārzāroñ meñ

huā hai chaak dāmān-e-shabāb avval se āḳhir tak

majāl-e-guftugū paa.ī to ab kyuuñ mohr-bar-lab hai

sunā de o dil-e-ġhaflat-ma.āb avval se āḳhir tak

añdhere meñ talāsh-e-dil agar hotī to kyā hotī

shab-e-tārīk thā daur-e-shabāb avval se āḳhir tak

dahān-e-zaḳhm se bhī 'josh' hāl-e-dil sunā dekhā

namak-pāshī hī thā un kā javāb avval se āḳhir tak

raha pesh-e-nazar hasrat ka bab awwal se aaKHir tak

paDhi kis ne mohabbat ki kitab awwal se aaKHir tak

ishaara tak na likkha koi us ne rabt-e-baham ka

bahut be-rabt hai KHat ka jawab awwal se aaKHir tak

mayassar KHak hota zindagi mein lutf-e-tanhai

rahe do do farishte ham-rikab awwal se aaKHir tak

KHushi mein bhi mohabbat dushman-e-sabr-o-sakun nikli

raha dil mein wahi ek iztirab awwal se aaKHir tak

ghalat-koshi ki aadat ne asar paida kiya aisa

ghalat nikla gunahon ka hisab awwal se aaKHir tak

mujhe le aai hai umr-e-rawan kin KHarzaron mein

hua hai chaak daman-e-shabab awwal se aaKHir tak

majal-e-guftugu pai to ab kyun mohr-bar-lab hai

suna de o dil-e-ghaflat-maab awwal se aaKHir tak

andhere mein talash-e-dil agar hoti to kya hoti

shab-e-tarik tha daur-e-shabab awwal se aaKHir tak

dahan-e-zaKHm se bhi 'josh' haal-e-dil suna dekha

namak-pashi hi tha un ka jawab awwal se aaKHir tak