raha wo shahr mein jab tak baDa dabang raha

rahā vo shahr meñ jab tak baḌā dabañg rahā

magar ḳhud apne ḳhilāf aap mahv-e-jañg rahā

huī jo sub.h to be-barg-o-bār the ashjār

tamām raat havā kā ajiib rañg rahā

anā pasand thā baisākhiyoñ ko chhūtā kyuuñ

rahā vo sarkash-o-bāġhī magar apang rahā

ba-juz darīd-o-burīd aur kyā hai us kā ma.aal

vo phir bhī Dor se TuuTī huī patañg rahā

siyah jazīra samundar meñ āftāb-ba-dast

zamīñ se TuuT gayā aur zamīñ kā añg rahā

diyā hai us ne hameñ ek shor-e-be-āhañg

hazār saal jo daur-e-rabāb-o-chang rahā

ye aa.ina rahā ḳhatt-e-shikast se mahrūm

'salīm' mahv-e-ġham-e-intizār-e-sañg rahā

raha wo shahr mein jab tak baDa dabang raha

magar KHud apne KHilaf aap mahw-e-jang raha

hui jo subh to be-barg-o-bar the ashjar

tamam raat hawa ka ajib rang raha

ana pasand tha baisakhiyon ko chhuta kyun

raha wo sarkash-o-baghi magar apang raha

ba-juz darid-o-burid aur kya hai us ka maal

wo phir bhi Dor se TuTi hui patang raha

siyah jazira samundar mein aaftab-ba-dast

zamin se TuT gaya aur zamin ka ang raha

diya hai us ne hamein ek shor-e-be-ahang

hazar sal jo daur-e-rabab-o-chang raha

ye aaina raha KHatt-e-shikast se mahrum

'salim' mahw-e-gham-e-intizar-e-sang raha