rahe meri taraf se KHun kyon qatil ki gardan par

rahe merī taraf se ḳhuun kyoñ qātil kī gardan par

vo bismil huuñ ki aane dī na maiñ ne chhīñT dāman par

mohabbat hai burī shai duur kyoñ jaao hameñ dekho

hamīñ ne bārhā sar rakh diyā hai pā-e-dushman par

tumhāre naqsh-e-pā ik hashr kī tamhīd haiñ goyā

qayāmat kī nishānī dekhtā huuñ qabr-e-dushman par

jo honā thā huā ghar jaao is se fā.eda kyā hai

jigar thāme hue baiThe ho kyoñ ab mere madfan par

farishte saath vaale hashr meñ kuchh to sahārā deñ

qadam uThtā nahīñ hai bār-e-isyāñ vo hai gardan par

ḳhudā kī shaan hai vo qatl karne aa.e haiñ mujh ko

jinheñ talvār tak rakhnā nahīñ aatī hai gardan par

dikhā dī had dil-e-bismil ne ādāb-e-mohabbat kī

namāz-e-sub.h mahshar tak paḌhī qātil ke dāman par

abhī to hans rahe haiñ kal ḳhizāñ meñ hashr kyā hogā

hañsī aatī hai mujh ko ḳhanda-e-gul-hā-e-gulshan par

na chhoḌe ḳhaar talvoñ ne na chhoḌī ḳhaak hāthoñ ne

ga.e ham kyā ki Daaka paḌ gayā sahrā ke dāman par

añdherī raat meñ aksar jalātī hai charāġh aakar

taras aatā hai bijlī ko bhī bulbul ke nasheman par

mire qātil ke fariyādī haiñ lākhoñ ḳhair ho yā-rab

koī dhabba na aa.e arsa-e-mahshar ke dāman par

nasheman phūñk kar ai barq bijlī kar diyā dil ko

kabhī taḌpā kabhī loTā kiyā ḳhāk-e-nasheman par

rahe meri taraf se KHun kyon qatil ki gardan par

wo bismil hun ki aane di na main ne chhinT daman par

mohabbat hai buri shai dur kyon jao hamein dekho

hamin ne barha sar rakh diya hai pa-e-dushman par

tumhaare naqsh-e-pa ek hashr ki tamhid hain goya

qayamat ki nishani dekhta hun qabr-e-dushman par

jo hona tha hua ghar jao is se faeda kya hai

jigar thame hue baiThe ho kyon ab mere madfan par

farishte sath wale hashr mein kuchh to sahaara den

qadam uThta nahin hai bar-e-isyan wo hai gardan par

KHuda ki shan hai wo qatl karne aae hain mujh ko

jinhen talwar tak rakhna nahin aati hai gardan par

dikha di had dil-e-bismil ne aadab-e-mohabbat ki

namaz-e-subh mahshar tak paDhi qatil ke daman par

abhi to hans rahe hain kal KHizan mein hashr kya hoga

hansi aati hai mujh ko KHanda-e-gul-ha-e-gulshan par

na chhoDe KHar talwon ne na chhoDi KHak hathon ne

gae hum kya ki Daka paD gaya sahra ke daman par

andheri raat mein aksar jalati hai charagh aakar

taras aata hai bijli ko bhi bulbul ke nasheman par

mere qatil ke fariyaadi hain lakhon KHair ho ya-rab

koi dhabba na aae arsa-e-mahshar ke daman par

nasheman phunk kar ai barq bijli kar diya dil ko

kabhi taDpa kabhi loTa kiya KHak-e-nasheman par