rahguzar-bashon ko sae ki bhi kya hajat nahin

rahguzar-bāshoñ ko saa.e kī bhī kyā hājat nahīñ

pūchhte haiñ ālam-e-nau tere me.amāroñ se ham

kyā ḳhabar thī aa ke manzil par vo hogā chaak chaak

jo bachā laa.e the dāman raah ke ḳhāroñ se ham

jaise saaya bhī gunāhoñ kā nahīñ ham par paḌā

kis qadar dāman-kashīda haiñ gunahgāroñ se ham

dam na leñge jab talak ye sāmne se haT na jaa.eñ

Takkareñ lete raheñge ūñchī dīvāroñ se ham

aap ġham-ḳhvārī kī zahmat mat gavārā kījiye

iltijā karte haiñ ab ye apne ġham-ḳhvāroñ se ham

apnī nādārī se ḳhud apnī nazar meñ haiñ subuk

is qadar mar.ūb haiñ daulat ke ambāroñ se ham

ho rahe haiñ hausle puure mashiyyat ke 'razā'

le rahe haiñ baaj mehr-o-māh se tāroñ se ham

rahguzar-bashon ko sae ki bhi kya hajat nahin

puchhte hain aalam-e-nau tere meamaron se hum

kya KHabar thi aa ke manzil par wo hoga chaak chaak

jo bacha lae the daman rah ke KHaron se hum

jaise saya bhi gunahon ka nahin hum par paDa

kis qadar daman-kashida hain gunahgaron se hum

dam na lenge jab talak ye samne se haT na jaen

Takkaren lete rahenge unchi diwaron se hum

aap gham-KHwari ki zahmat mat gawara kijiye

iltija karte hain ab ye apne gham-KHwaron se hum

apni nadari se KHud apni nazar mein hain subuk

is qadar marub hain daulat ke ambaron se hum

ho rahe hain hausle pure mashiyyat ke 'raza'

le rahe hain baj mehr-o-mah se taron se hum