rahi meri shayad dua nisf se kam

rahī merī shāyad du'ā nisf se kam

milā mujh ko jo kuchh milā nisf se kam

ye rāh-e-mohabbat hai tauba ki is meñ

maiñ gir kar uThā par uThā nisf se kam

talāsh un kī ab tak rahī hai adhūrī

vo jin ko milā hai ḳhudā nisf se kam

nahīñ kuchh burā kar sakā us kā tūfāñ

bujhī sham' jab thī havā nisf se kam

tire rū-barū le ke aa.ī jo qismat

maiñ lagne lagā bā-ḳhudā nisf se kam

kuchh aise guzārī tire is jahāñ meñ

kahā nisf se kam sunā nisf se kam

mohabbat 'ibādat ḳhumārī shikāyat

'ḳhayāl' aap kī har adā nisf se kam

rahi meri shayad du'a nisf se kam

mila mujh ko jo kuchh mila nisf se kam

ye rah-e-mohabbat hai tauba ki is mein

main gir kar uTha par uTha nisf se kam

talash un ki ab tak rahi hai adhuri

wo jin ko mila hai KHuda nisf se kam

nahin kuchh bura kar saka us ka tufan

bujhi sham' jab thi hawa nisf se kam

tere ru-baru le ke aai jo qismat

main lagne laga ba-KHuda nisf se kam

kuchh aise guzari tere is jahan mein

kaha nisf se kam suna nisf se kam

mohabbat 'ibaadat KHumari shikayat

'KHayal' aap ki har ada nisf se kam