rahi na yaro aaKHir sakat hawaon mein

rahī na yaaro āḳhir sakat havāoñ meñ

chaar diye raushan haiñ chaar dishāoñ meñ

kaa.ī jamī thī siine meñ jaane kab se

chīḳh uThā vo aa kar khulī fazāoñ meñ

apnī gum āvāzeñ aao talāsh kareñ

sabz parindoñ kī sayyāl sadāoñ meñ

maiñ bhī kured rahā thā ḳhaak kī partoñ ko

vo bhī jhāñk rahā thā duur ḳhalāoñ meñ

ThanDī chhāñv dekh ke vo aa baiThā thā

ulajh gayā bargad kī ghanī jaTāoñ meñ

ghaaT ghaaT koshish kī paar utarne kī

lahr koī dushman thī sab dariyāoñ meñ

vo sarsabz zamīnoñ tak ham-safar rahā

uḌ na sakā phir mere saath havāoñ meñ

paanī zarā barasne de manzar phir dekh

rañg chhupe haiñ sab in siyah ghaTāoñ meñ

aa maiñ tere man meñ jhāñkūñ aur batā.ūñ

kyuuñ tāsīr nahīñ hai tirī duāoñ meñ

sab aapas meñ laḌ kar bastī chhoḌ ga.e

ḳhush ḳhush jā ābād hue sahrāoñ meñ

ek talab ne 'bānī' bahut ḳharāb kiyā

āḳhir ham bhī hue shumār gadāoñ meñ

rahi na yaro aaKHir sakat hawaon mein

chaar diye raushan hain chaar dishaon mein

kai jami thi sine mein jaane kab se

chiKH uTha wo aa kar khuli fazaon mein

apni gum aawazen aao talash karen

sabz parindon ki sayyal sadaon mein

main bhi kured raha tha KHak ki parton ko

wo bhi jhank raha tha dur KHalaon mein

ThanDi chhanw dekh ke wo aa baiTha tha

ulajh gaya bargad ki ghani jaTaon mein

ghaT ghaT koshish ki par utarne ki

lahr koi dushman thi sab dariyaon mein

wo sarsabz zaminon tak ham-safar raha

uD na saka phir mere sath hawaon mein

pani zara barasne de manzar phir dekh

rang chhupe hain sab in siyah ghaTaon mein

aa main tere man mein jhankun aur bataun

kyun tasir nahin hai teri duaon mein

sab aapas mein laD kar basti chhoD gae

KHush KHush ja aabaad hue sahraon mein

ek talab ne 'bani' bahut KHarab kiya

aaKHir hum bhi hue shumar gadaon mein