rahi unki chin-e-jabin der tak

rahī un kī chīn-e-jabīñ der tak

chaḌhāyā kiye āstīñ der tak

uḌātī rahī ḳhāksāroñ kī ḳhaak

tumhārī galī kī zamīñ der tak

kisī ke jo aane kī ummīd thī

rahī lab pe jān-e-hazīñ der tak

rahī dekh kar naqsha-e-kū-e-yār

tahayyur meñ ḳhuld-e-barīñ der tak

vo nairañgiyāñ mere rone meñ thiiñ

ki hañste rahe sab hasīñ der tak

rahi un ki chin-e-jabin der tak

chaDhaya kiye aastin der tak

uDati rahi KHaksaron ki KHak

tumhaari gali ki zamin der tak

kisi ke jo aane ki ummid thi

rahi lab pe jaan-e-hazin der tak

rahi dekh kar naqsha-e-ku-e-yar

tahayyur mein KHuld-e-barin der tak

wo nairangiyan mere rone mein thin

ki hanste rahe sab hasin der tak