rahin-e-dast-e-azar ho gaya hun

rahīn-e-dast-e-āzar ho gayā huuñ

maiñ ā.īna thā patthar ho gayā huuñ

mirā to kaam qatre se bhī chaltā

tirī ḳhātir samundar ho gayā huuñ

jo bātin hai vahī zāhir hai merā

kuchh aisā saaf manzar ho gayā huuñ

ka.ī jahtoñ se hai yalġhār mujh par

tan-e-tanhā maiñ lashkar ho gayā huuñ

chale haiñ saath hī ghar ke masā.il

kabhī jab ghar se bāhar ho gayā huuñ

rahā hai naaz jin ko apne qad par

khaḌā un ke barābar ho gayā huuñ

mujhe taslīm hai ye 'shān' sāhib

suḳhan-sāzī kā daftar ho gayā huuñ

rahin-e-dast-e-azar ho gaya hun

main aaina tha patthar ho gaya hun

mera to kaam qatre se bhi chalta

teri KHatir samundar ho gaya hun

jo baatin hai wahi zahir hai mera

kuchh aisa saf manzar ho gaya hun

kai jahton se hai yalghaar mujh par

tan-e-tanha main lashkar ho gaya hun

chale hain sath hi ghar ke masail

kabhi jab ghar se bahar ho gaya hun

raha hai naz jin ko apne qad par

khaDa un ke barabar ho gaya hun

mujhe taslim hai ye 'shan' sahib

suKHan-sazi ka daftar ho gaya hun