rahmat teri ai naqa-kash-e-mahmil-e-haji

rahmat tirī ai nāqa-kash-e-mahmil-e-hājī

chāhe to kare rāhib-e-but-ḳhāna ko naajī

kis din na uThā dil se mire shor-e-parastish

kis raat yahāñ ka.abe meñ nāqūs na baajī

maiñ aap kamar-basta huuñ ab qatl pe apne

bin yaar hai jiine se mirā bas ki ḳhafā jī

ik siine meñ dil rakhte haiñ ham so bhī vo kyā dil

jo roz rahe lashkar-e-sultāñ kā ḳharājī

tum shab mujhe dete hue gaalī to ga.e ho

maiñ bhī kisī din tum se samajh lūñgā bhalā jī

shīsha mai-e-gulgūñ kā hai yā rañg-e-shafaq se

rañg apne dikhātā hai mujhe charḳh-e-zujā.ī

ai 'mus.hafī' maiñ afsah-e-shīrīñ-suḳhanāñ huuñ

kab mujh se taraf ho sake hai har koī paajī

rahmat teri ai naqa-kash-e-mahmil-e-haji

chahe to kare rahib-e-but-KHana ko naji

kis din na uTha dil se mere shor-e-parastish

kis raat yahan kabe mein naqus na baji

main aap kamar-basta hun ab qatl pe apne

bin yar hai jine se mera bas ki KHafa ji

ek sine mein dil rakhte hain hum so bhi wo kya dil

jo roz rahe lashkar-e-sultan ka KHaraji

tum shab mujhe dete hue gali to gae ho

main bhi kisi din tum se samajh lunga bhala ji

shisha mai-e-gulgun ka hai ya rang-e-shafaq se

rang apne dikhata hai mujhe charKH-e-zujai

ai 'mushafi' main afsah-e-shirin-suKHanan hun

kab mujh se taraf ho sake hai har koi paji