rahna nahin agarche gawara zamin par

rahnā nahīñ agarche gavārā zamīn par

lekin ik aadmī hai hamārā zamīn par

turfa ki rasm-e-girya-o-zārī bhī uTh ga.ī

mushkil to pahle hī thā guzārā zamīn par

pahle to dī ga.ī mujhe bīnā.ī aur phir

manzar 'ajīb us ne utārā zamīn par

bhaTke huoñ ko raah dikhāne ko kam nahīñ

TuuTe hue diye kā kinārā zamīn par

us kī nazar badalne se pahle kī baat hai

maiñ āsmān par thā sitārā zamīn par

baaqī to jo bhī kuchh hai izāfī hai sab yahāñ

ik aañkh hai aur ek nazārā zamīn par

dekhā nigāh bhar ke mujhe us ne phir 'jamāl'

raushan kiyā charāġh dobārā zamīn par

rahna nahin agarche gawara zamin par

lekin ek aadmi hai hamara zamin par

turfa ki rasm-e-girya-o-zari bhi uTh gai

mushkil to pahle hi tha guzara zamin par

pahle to di gai mujhe binai aur phir

manzar 'ajib us ne utara zamin par

bhaTke huon ko rah dikhane ko kam nahin

TuTe hue diye ka kinara zamin par

us ki nazar badalne se pahle ki baat hai

main aasman par tha sitara zamin par

baqi to jo bhi kuchh hai izafi hai sab yahan

ek aankh hai aur ek nazara zamin par

dekha nigah bhar ke mujhe us ne phir 'jamal'

raushan kiya charagh dobara zamin par