rahne de ratjagon mein pareshan mazid use

rahne de ratjagoñ meñ pareshāñ mazīd use

lagne de ek aur bhī zarb-e-shadīd use

jī haañ vo ik charāġh jo sūraj thā raat kā

tārīkiyoñ ne mil ke kiyā hai shahīd use

faaqe na ghuggiyoñ se saḌak par nikal paḌeñ

aafat meñ Daal de na ye bohrān-e-īd use

fart-e-ḳhushī se vo kahīñ āñkheñ na phoḌ le

ārām se sunāo sahar kī navīd use

har-chand apne qatl meñ shāmil vo ḳhud bhī thā

phir bhī gavāh mil na sake chashm-dīd use

bāzār agar hai garm to kartab koī dikhā

sab gāhakoñ se aañkh bachā kar ḳharīd use

muddat se pī nahīñ hai to phir fā.eda uThā

vo chal ke aa gayā hai to kar le kashīd use

mashkūk agar hai ḳhat kī likhā.ī to kyā huā

ja.alī banā ke bhej de tū bhī rasīd use

rahne de ratjagon mein pareshan mazid use

lagne de ek aur bhi zarb-e-shadid use

ji han wo ek charagh jo suraj tha raat ka

tarikiyon ne mil ke kiya hai shahid use

faqe na ghuggiyon se saDak par nikal paDen

aafat mein Dal de na ye bohran-e-id use

fart-e-KHushi se wo kahin aankhen na phoD le

aaram se sunao sahar ki nawid use

har-chand apne qatl mein shamil wo KHud bhi tha

phir bhi gawah mil na sake chashm-did use

bazar agar hai garm to kartab koi dikha

sab gahakon se aankh bacha kar KHarid use

muddat se pi nahin hai to phir faeda uTha

wo chal ke aa gaya hai to kar le kashid use

mashkuk agar hai KHat ki likhai to kya hua

jali bana ke bhej de tu bhi rasid use