rahne de shab apne pas mujhko

rahne de shab apne paas mujh ko

auroñ sā na kar qayās mujh ko

rah jā ki kahūñgā haal dil kā

aa jaa.eñ tanik havās mujh ko

dil nāzuk o kār-e-ishq dar-pesh

apnā hai nipaT hirās mujh ko

yā-rab gayā kaun yaañ se mehmāñ

lagtā hai ye ghar udaas mujh ko

mahram se tū suniyo haal merā

na.iiñ tāqat-e-iltimās mujh ko

hairat ne kiyā hai yak jahāñ kā

juuñ ā.īna rū-shanās mujh ko

ko jāma-e-ḳhāk-o-ḳhūñ ki 'qā.em'

sajtā thā vahī libās mujh ko

rahne de shab apne pas mujh ko

auron sa na kar qayas mujh ko

rah ja ki kahunga haal dil ka

aa jaen tanik hawas mujh ko

dil nazuk o kar-e-ishq dar-pesh

apna hai nipaT hiras mujh ko

ya-rab gaya kaun yan se mehman

lagta hai ye ghar udas mujh ko

mahram se tu suniyo haal mera

nain taqat-e-iltimas mujh ko

hairat ne kiya hai yak jahan ka

jun aaina ru-shanas mujh ko

ko jama-e-KHak-o-KHun ki 'qaem'

sajta tha wahi libas mujh ko