rahnumaon ki baat karte ho
rahnumāoñ kī baat karte ho
pārsāoñ kī baat karte ho
jo uḌā leñ saroñ se āñchal bhī
un havāoñ kī baat karte ho
jal rahī hai zamīñ kī kokh magar
tum ḳhalāoñ kī baat karte ho
mujh ko mehnat kā bhī sila na milā
tum duāoñ kī baat karte ho
pahle insāñ ko zahr dete ho
phir davāoñ kī baat karte ho
merī bastī meñ bhuuk paltī hai
tum balāoñ kī baat karte ho
maar Daalā vafā-shi.āroñ ne
be-vafāoñ kī baat karte ho
kitne fir.aun miT ga.e aa kar
kin ḳhudāoñ kī baat karte ho
rahnumaon ki baat karte ho
parsaon ki baat karte ho
jo uDa len saron se aanchal bhi
un hawaon ki baat karte ho
jal rahi hai zamin ki kokh magar
tum KHalaon ki baat karte ho
mujh ko mehnat ka bhi sila na mila
tum duaon ki baat karte ho
pahle insan ko zahr dete ho
phir dawaon ki baat karte ho
meri basti mein bhuk palti hai
tum balaon ki baat karte ho
mar Dala wafa-shiaron ne
be-wafaon ki baat karte ho
kitne firaun miT gae aa kar
kin KHudaon ki baat karte ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
