rahunga ishq mein mahrum-e-tasir-e-fughan kab tak

rahūñgā ishq meñ mahrūm-e-tāsīr-e-fuġhāñ kab tak

fareb-e-zindagī khātī rahe umr-e-ravāñ kab tak

ḳhudā ke vāste o fitna-sāmāñ ye to samjhā de

havas ke naam par pābandī-e-sūd-o-ziyāñ kab tak

na duniyā se ta'alluq hai na uqbā se mujhe matlab

rahe merī tabī.at be-niyāz-e-do-jahāñ kab tak

tasavvur bhī tirā hai māvarā-e-fikr-e-insānī

tirī hastī rahegī mere haq meñ chīstāñ kab tak

ye faizān-e-mohabbat hai ki maiñ ab tak salāmat huuñ

magar tūfān meñ ye kashtī-e-umr-e-ravāñ kab tak

vahī gardish vahī jalve vahī manzar vahī aalam

raheñge ek hālat meñ zamīn-o-āsmāñ kab tak

'azīm' un ke taġhāful ne kahīñ kā bhī nahīñ rakkhā

ba-faiz-e-hūr yuuñ zinda rahe ye ḳhasta-jāñ kab tak

rahunga ishq mein mahrum-e-tasir-e-fughan kab tak

fareb-e-zindagi khati rahe umr-e-rawan kab tak

KHuda ke waste o fitna-saman ye to samjha de

hawas ke nam par pabandi-e-sud-o-ziyan kab tak

na duniya se ta'alluq hai na uqba se mujhe matlab

rahe meri tabiat be-niyaz-e-do-jahan kab tak

tasawwur bhi tera hai mawara-e-fikr-e-insani

teri hasti rahegi mere haq mein chistan kab tak

ye faizan-e-mohabbat hai ki main ab tak salamat hun

magar tufan mein ye kashti-e-umr-e-rawan kab tak

wahi gardish wahi jalwe wahi manzar wahi aalam

rahenge ek haalat mein zamin-o-asman kab tak

'azim' un ke taghaful ne kahin ka bhi nahin rakkha

ba-faiz-e-hur yun zinda rahe ye KHasta-jaan kab tak