rahzan rahbar ho jate hain

rahzan rahbar ho jaate haiñ

kam-tar bartar ho jaate haiñ

koshish kar ke tum bhī dekho

bad-tar behtar ho jaate haiñ

ġham se sākit hone vaale

ik din patthar ho jaate haiñ

ho jaate haiñ a.alā adnā

adnā afsar ho jaate haiñ

apnī āb-o-tāb luTā kar

hiire kankar ho jaate haiñ

haq ke muqābil meñ bātil ke

paspā lashkar ho jaate haiñ

jaur-o-jafā ko sahte sahte

log sitamgar ho jaate haiñ

soz-e-alam se jalte jalte

aañsū aḳhgar ho jaate haiñ

aise aise khilte haiñ gul

ham bhī shashdar ho jaate haiñ

yaad meñ us kī ro kar dekho

aañsū gauhar ho jaate haiñ

yaad meñ us kī ro kar dekho

aañsū gauhar ho jaate haiñ

aise bhī haiñ jo ġhusse meñ

had se bāhar ho jaate haiñ

hirs-o-havas meñ rahne vaale

'yās' kā paikar ho jaate haiñ

rahzan rahbar ho jate hain

kam-tar bartar ho jate hain

koshish kar ke tum bhi dekho

bad-tar behtar ho jate hain

gham se sakit hone wale

ek din patthar ho jate hain

ho jate hain aala adna

adna afsar ho jate hain

apni aab-o-tab luTa kar

hire kankar ho jate hain

haq ke muqabil mein baatil ke

paspa lashkar ho jate hain

jaur-o-jafa ko sahte sahte

log sitamgar ho jate hain

soz-e-alam se jalte jalte

aansu aKHgar ho jate hain

aise aise khilte hain gul

hum bhi shashdar ho jate hain

yaad mein us ki ro kar dekho

aansu gauhar ho jate hain

yaad mein us ki ro kar dekho

aansu gauhar ho jate hain

aise bhi hain jo ghusse mein

had se bahar ho jate hain

hirs-o-hawas mein rahne wale

'yas' ka paikar ho jate hain