رہزنی کو رہبری سمجھے تھے ہم

رہزنی کو رہبری سمجھے تھے ہم

دشمنی کو دوستی سمجھے تھے ہم

بے مروت بے وفا ثابت ہوا

جس کو مخلص آدمی سمجھے تھے ہم

نقش پائے یار پہ سر رکھ دیا

بس اسی کو بندگی سمجھے تھے ہم

قتل کی سازش میں ہیں وہ بھی شریک

جن کو اپنی زندگی سمجھے تھے ہم

جان لینے کی تھی اک وہ بھی ادا

جس کو ان کی سادگی سمجھے تھے ہم

یاد ماضی مستقل اک درد ہے

اس کو اب تک عارضی سمجھے تھے ہم

خون دل کا ہو رہا تھا اے ضیاؔ

اور اس کو بیکلی سمجھے تھے ہم