rakh diya hai aadmi ne aaine par aaina

rakh diyā hai aadmī ne aa.ine par aa.ina

dekh kar insān ko hai aaj shashdar aa.ina

pyaas aañsū dard-o-ġham haiñ sab mire bhītar chhupe

hañs diyā hai asliyat mujh ko dikhā kar aa.ina

dekhnā jo chāhtā maiñ dekhtā mujh ko vahī

sach nahīñ ye hai dikhātā sach mujhe har aa.ina

laakh maiñ duniyā ko dhokā duuñ lagātā hai magar

asl chehra sāmne laane meñ pal bhar aa.ina

sañg-dil kī fitratoñ se aa.ina anjān hai

kaash yuuñ hotā ki hotā ek patthar aa.ina

dekh kar apnā hī chehra ḳhud pe hotā hai ġhurūr

yuuñ lage kartā ho jaise jādū-mantar aa.ina

reza reza kis tarah ye zindagī bikhrī 'rajat'

raaz mere jāntā hai merā dilbar aa.ina

rakh diya hai aadmi ne aaine par aaina

dekh kar insan ko hai aaj shashdar aaina

pyas aansu dard-o-gham hain sab mere bhitar chhupe

hans diya hai asliyat mujh ko dikha kar aaina

dekhna jo chahta main dekhta mujh ko wahi

sach nahin ye hai dikhata sach mujhe har aaina

lakh main duniya ko dhoka dun lagata hai magar

asl chehra samne lane mein pal bhar aaina

sang-dil ki fitraton se aaina anjaan hai

kash yun hota ki hota ek patthar aaina

dekh kar apna hi chehra KHud pe hota hai ghurur

yun lage karta ho jaise jadu-mantar aaina

reza reza kis tarah ye zindagi bikhri 'rajat'

raaz mere jaanta hai mera dilbar aaina