rakha dhyan jis ne tumhaari KHushi ka

rakhā dhyān jis ne tumhārī ḳhushī kā

dukhāyā hai dil tum ne pal-pal usī kā

jise dekhtā hai haqārat se tū ab

vo hissa thā ik din tirī zindagī kā

kareñge du'ā āḳhirī saañs tak ham

sabhī ḳhush raheñ dil na TuuTe kisī kā

mire dost samjho mirī bhāvnā ko

na pūchho sabab mujh se tum bebasī kā

kamī rah ga.ī kyā mirī sādhnā meñ

sila kyoñ na tum de sake bandagī kā

tujhe dekh kar gungunātī haiñ sāñseñ

mirā dil hai qaa.il tirī sādgī kā

kahīñ le na jaa.e churā ke mirā dil

gulābī colour ye tirī oḌhnī kā

rakha dhyan jis ne tumhaari KHushi ka

dukhaya hai dil tum ne pal-pal usi ka

jise dekhta hai haqarat se tu ab

wo hissa tha ek din teri zindagi ka

karenge du'a aaKHiri sans tak hum

sabhi KHush rahen dil na TuTe kisi ka

mere dost samjho meri bhawna ko

na puchho sabab mujh se tum bebasi ka

kami rah gai kya meri sadhna mein

sila kyon na tum de sake bandagi ka

tujhe dekh kar gungunati hain sansen

mera dil hai qail teri sadgi ka

kahin le na jae chura ke mera dil

gulabi colour ye teri oDhni ka